வண்ணமும் எண்ணமும்

வண்ணமும் எண்ணமும்
நல்லதை நினையுங்கள்; நல்லதே நடக்கும்

இருக்கும்வரை
இருளை ஒழி
இறந்த பின்
இன்னொருவருக்கு ஒளி
இது தான்
இயற்கையின் ஒலி

ஒழி - வெளிச்சத்தைக் கொடு,அழி
ஒளி - கண்தானம்,பார்வை
ஒலி - குரல்,எண்ணம்,கருத்து

இந்த வரிகளை எழுதியது ஆறு மாதங்களுக்கு முன், இன்னும் விரிவாக இதை எழுத நினைந்து இருந்த பொழுது இந்தக் கவிதையைக் கண்டயுடன் இடுகை இட விழைந்தேன்.

Labels: ஒலி, ஒளி, ஒழி, பார்வை

அன்புடன் திகழ் at 5:48 PM

6 அன்புமொழிகள்

28.நிம்மதி

நிம்மதி என்பது
நடைபெறுவதிலும்
நிறைவேறுவதிலும் இல்லை.
நினைப்பதில் தான் இருக்கிறது என்று
நம்புங்கள்.

நிம்மதி என்பது
நமக்கு நாமே
வழங்கும்
வெகுமதி என்பதை
நினைவில் கொள்ளுங்கள்.

Labels: நம்பிக்கை, நினைப்பு, நிம்மதி

அன்புடன் திகழ் at 11:11 AM

25 அன்புமொழிகள்

27.அகமும் ஆசையும்

அகம்
ஆசைக்குள்
ஆட்பட்டுக்கொண்டிருந்தால்
ஆண்டவனும்
அகக்கண்களுக்கு
அகப்படபோவதில்லை,
ஆகமும்
அழியாமல்
அகிலத்தில்
அவதாரமெடுத்துக்கொண்டே
அலைந்துக்கொண்டிருக்கும்

அகம் - உள்ளம்
ஆகம் - உடம்பு,உயிர்
ஆசை - இச்சை

Labels: அகம், அழிவு, ஆகம், ஆசை, ஆண்டவன், இன்பம், இறைவன், உடம்பு, உள்ளம், கடவுள்

அன்புடன் திகழ் at 2:31 PM

14 அன்புமொழிகள்

26.அகவையும் அகமும்

அகவை என்பது
அகத்திற்கு
உட்பட்டது
உங்களின் உள்ளம்
உடம்பு என்னும்
உடன்பாட்டை
உடைத்து எறிந்தால்
வாழ்க்கை என்பது
வண்ணத்துப்பூச்சியாய்
வட்டமிட்டு
சிறகடித்துப் பறக்கும்.

ஆங்கிலத்தில் - மார்க்கு துவின்

மொழியாக்கம்

Labels: அகம், அகவை, ஆகம், உடம்பு, உள்ளம், வண்ணத்துப்பூச்சி, வயது, வாழ்க்கை

அன்புடன் திகழ் at 12:23 PM

14 அன்புமொழிகள்

25.வெற்றிக்கான வழி

வெற்றியை
தூக்கி வைத்துக்கொள்ள
தலையும்
தோல்வியைத்
தேக்கி வைத்துக்கொள்ள
உள்ளமும்
உகந்த இடமும் அல்ல
உயர்வுக்கும் வழியும் அல்ல.

ஆங்கிலத்தில் - வின்சடன் சர்ச்சில்

மொழியாக்கம்

Labels: அகம், உயர்வு, உள்ளம், சிரம், தலை, தோல்வி, வழி, வெற்றி

அன்புடன் திகழ் at 3:39 PM

13 அன்புமொழிகள்

24.கீதை சொல்லும் செய்தி

உடல் எனும் தேரில்
ஊர்வலம் செல்லும்
உயிர்ப்பொருள்
புலன் எனும்
பரியின் பிடியை
பரம்பொருளிடம் ஒப்படைத்துவிட்டால்
பயமற்ற
பயணமற்ற
பாதை அமையும் எனும்
பாடத்தை போதிப்பது தான்
கீதை சொல்லும் செய்தி

உயிர்ப்பொருள் - ஜீவாத்மா

பரம்பொருள் - பரமாத்மா

பயணமற்ற - ஜனனமற்ற

பரி - குதிரை

மொழியாக்கம்

Labels: உடல், கீதை, குதிரை, ஜீவாத்மா, பயணம், பயம், பரமாத்மா, பரம்பொருள், பரி, புலன்